話說全港嘅子宮頸癌針開始短缺（至少個藥廠係咁樣坤我）。當然（我覺得）係因為多咗好多強國同胞係咁打。（上面冇得打，50幾歲老公老婆都拍住拖落嚟打～～ ）
我有次無聊Patpat痕走左去見工。有一個着住反領嘅Polo T恤後生肥仔話自己係老細。開口埋口都話自己Dum幾多千萬落去間診所度。佢話要打造一條龍服務去Serve強國同胞。由幫佢哋訂機票落嚟香港，安排酒店住宿，安排專車去診所打打子宮頸癌針。佢又帶我去睇佢舊診所，嗰陣已經有一大堆強國人拖住喼企埋出門口排隊等打針。
佢想請個醫生淨係隻眼開隻眼閉，麻目地開針俾病人。佢人工開得超高。咁大隻蛤乸隨街跳，當然咁高危嘅嘢我就冇做到，所以我做唔到大人物。但我聽聞呢間野真係開咗，我估佢都賺到盤滿缽滿。
所以啲針都係應該俾類似呢啲集團打晒。藥廠同我講D針Supply好緊， 我哋未必攞到好多貨。啲病人夠鐘返嚟打第二或者第三針嗰啲就灰爆。我哋亦都要同個個講話你俾低Deposit都冇得留針。大家先到先得，當日有針你就有得打。個個梗係發老脾啦。
其實，我可唔可以比藥廠個電話佢地或者俾我老細/經理個電話佢地， 等我哋唔使講咁多，同埋唔會捱鬧。都唔關我地事。又唔係我唔想同你打。你啲同胞打晒你啲針，咁你咪冇得打囉。
話說我諗到條絕世好橋賣針。下篇話你知我嘅賺錢大計係乜嘢。最慘呢間野唔係我，得個諗字…… 🤣🤣🤣🤣
Search